قديم 10-09-16, 02:59 PM
المشاركة 3
gharip
°• فلسطيني طآزة ..~
  • غير متواجد
افتراضي رد: تعريف كامل عن الولايات المتحدة الفلسطينية + شرح فكرة الو
ِكرا لك اخى الكريم على الموضوع الاكثر من رائع

تعريف كامل عن الولايات المتحدة الفلسطينية


الولايات المتحدة الفلسطينية
the united states of palestine
w w w . U s p 0.com





* الولايات المتحدة الفلسطينية تأسست بتاريخ 20-4-2008 عد مقررنا اختيار اسم الموقع ع شبكة الانترنت ( الدومين) usp0 وهو اختصار اسم الولايات المتحدة الفلسطينية بالانجليزي واخدنا من كل اول كلمة ، حرف ، وضفنا آخر شي رقم 0،لنقول للعآلم إحنا الرقم الصعب !

جوجل

* وتم افتتاحها بشكل رسمي بتاريخ 28-4-2008 بجهد مجموعة من الشباب اللي وقفو معي وساعدوني أكيد بكل صغيرة وكبيرة .

* فكرة موقع الولايات كانت حلم ، وصارت حقيقة ، هينا فيها اليوم عم بنعيش يوم بيوم . الفكرة كانت بدنا موقع مميز ، بعيد عن روتين المواقع المتعارف فيه حاليا ، والمنتديات الجامدة المتشددة ، لأنو الناس بطبعها بتحب التجديد والتغير ، لهيك قررنا نعمل فكرة الولايات المتحدة الفلسطينية ، مووقع فلسطيني ، بعيد عن الروتين المتعارف بين المنتديات ، انخلي طابع الكوميديا والمرح موجود دايمن بحياتنا ، لنفرجي للناس احنا شعب ما بنعرف الحزن ، وهاد كان اهم شي بالولايات ، الطابع الكوميدي .


* متل ما انتو شايفين اللغة او اللهجة هون ، لهجة فلسطينية قروية فلاحية أصيلة ، حاولنا ندمجها ونحكيها بشكل كوميدي لنفتخر فيها بحالنا كـ فلسطينية ، ولنثبت للناس وللعالم كلو ، انو احنا مميزين ، مميزين حتى بكلامنا ، بمزحنا ، بضحكنا ، بكل شي .

* وهاي كانت رسالة الولايات المتحدة الفلسطينية للناس وللشعب وع أرض الواقع ، رسالة تلفت النظر ، تشد الانتباه ، تخلي الشخص يدور عليها مش هي اتدور عليه ، لنطلع ، لنصير ، لنبين ، لنبدع ، ونحكي كلنا بصوت واحد ، احنا فلسطينية وبنفتخر .


* والحمدلله على كل شي ، الولايات بتطور دائم ، ومستمر ، وهاد الشي اللي بنتأمل يكون ويضل ويستمر دايمن ، طول مأحنا عايشين ، نضل ايد وحدة ، وصوت واحد ، لأنو هدفنا واحد ووطنا واحد .


* كتير اشخاص طلبو مني تفسير أكمن مصطلح وكلمة من مصطلحات الولايات لأنو مش عارفين او مش قادرين يستوعبوها لأنهم ما عمرهم سمعو فيها ، لأنو في كتير ناس مش عايشين بفلسطين ، متغربين ، وكمان في ناس بحبو فلسطين بس مش فلسطينية ، يعني ما بفهمو كتير او ما عندهم خبرة باللهجة الفلسطينية ، لهيك رح اشرح أكم مصطلح ورح اشرح الاقسام الموجودة بالولايات كل قسم وشو لازم نكتب فيه ، طبيعة المواضيع اللي لازم تكون فيه يعني .

* نبدا بأكمن كلمة :

موضوعك فايع : يعني موضوعك مثبت
موضوعك مجنزر : يعني موضوعك مغلق
شخبيطتك : يعني توقعيك
غرفتك : يعني لوحة التحكم تاعتك
بحبش : ابحث
الشعب الصاحي : الاعضاء المتواجدين ، الاون لاين يعني
كحف موضوع : يعني اكتب موضوع جديد
انعف رد : يعني رد ع الموضوع ، ابعت رد
ؤلطش: يعني اقتبس الرد
اكمش : يعني اقتباس عدة ردود
انعف مسج : ابعت مسج
التكحيفات : المشاركات
خش ع الدش : يعني فوت
افسخ : يعني روح يلا
نورك كطع خلفة الضو : يعني نورتنا كتير
ع النوم : يعني تسجيل الخروج
المين بيج : يعني الصفحة الرئيسية
فرن الولايات : اللي بطلع اي شي طازة
بيت المونة : الارشيف
فراقك صعب أكيد : يعني تسجيل الخروج من الولايات
مسج النا : يعني ابعتلنا رسالة
ط : اختصار للكلام يعني طيب او اه ماشي
لوز وضعك : يعني الاشي رهيب او حسب الموقف بتكون
ايموشن : الابتسامات التعبيرية
الشلوط : ايقاف العضوية "طرد"




- الصفحة الرسمية لموقع الولايات المتحدة الفلسطينية على الفيس بوك ،
واحنا مش مسؤولين عن اي كوبي او تقليد

رابط الصفحة :

https://www.usp1.ps


شرح اقسام الولايات وطبيعة المواضيع الموجودة بكل ولاية

:: $ سوبر ماركت الولايات المتحدة الفلسطينية $ ::
سوق شامل كامل متكامل ، بتقدر اتضيف في اي اعلان للبني آدمين ..

*الولاية هاي عبارة عن اعلانات بضيفها العضو وهاي الاعلانات بتهدف لاشهار الاشي المعلن عنه ، وبتكون المواضيع فيها تحت المراقبة يعني بس نشوفها ويكون كلو تمام بنوافق عليها وبنقبلها وبعدها الاعضاء بقدرو يشوفوها ..
- [جديد] سوبر ماركت الولايات ، حط كل إعلاناتك ببلاش !


- سـوبر مآركـت الإنترنـت
سوق المواقع الإلكترونية على الشبكة العنكبوتية .. لو عاجبك موقع ، أكتبلنا عنو ..
جديد | سوبر ماركت الانترنت .. تعليمات عامة
* اعلانات لمواقع الكترونية ، بتقدر تعلن عن اي موقع هون بشروط خاصة موضحة بالاعلان الموجود بالولاية واكيد تحت لمراقبة الاشي .

:: اقسام الفضفضه ::

ربط و حل مشاكل البني آدمين النفسية والاجتماعية والعاطفية و أي شي متعبهم بأي شي بالدنيا .. مفتوحة للزوار ..
تعليمات | كتابة المشاكل والمواضيع في ولاية الفضفضة !

1- ولاية خليها ع الله
خليها على الله يا مواطن - فضفضة مجتمعية واقعية من الشعب للمسؤولين .. ( احكي اشكي انتقد فضفضة ،، تعاملات وزارات دوائر مراكز حكومية تظلمات جامعات ... ، وصل صوتك للمسؤولين بالمجتمع الفلسطيني )

* الولاية هاى بتتعلق بحل مشاكل الشعب في التعاملات والامور القانونيه في الوزرات وغيرها وبوصلو من خلالها شكواهم و صوتهم للمسؤولين

2- ولاية هموم ما بتخلص
هم بيضحك، وهم ببكي، ولا تشكيلي ببكيلك .. فضفضة الشعب الاجتماعية للشعب ، أشياء بتشقلب عيونك ..

* الولاية هاى بتتعلق بحل مشاكل الشعب الاجتماعية. .المشاكل الي بتواجه الافراد في الاسرة والمجتمع بكافه اشكالها

3- ولاية جرح الهوى
شربت مقلب ، ماكل كريك عاطفي ؟ قلبك بجعك ؟ احنا بنسمعك ، فضفضة الشعب العاطفية

* الولاية هاى تتعلق بحل مشاكل الشعب العاطفيه . . الحب ومشاكله

4- ولاية عقلك براسك
عقلك براسك بتعرف خلاصك ، فضفضة لتنمية الاشي جواتك .. واسأل مجرب ولا تسأل دكطور .. عبر وخلاصات

* الولاية هاى بتتعلق بحل مشاكل عدم الثقه بالنفس والتطلع الدائم الى المستقبل بشكل مستمر والبحث عن النجاح

5- حارة الفضفضة الخاصة
ما بتقدر تكتب هون اي مشكلة او موضوع ، المواضيع الخاصة من ولاية الفضفضة بننقلها هون ، تابع مشكلتك الخاصة بهاي الحارة .

* بتتعلق بالمشاكل الشخصية اللي العضو ما بحب اي حد يشوفها , فاللي بشوف المواضيع في الحارة هاي خليفة الولاية واللي بكون مختص في حل المشاكل , وطبعا ما في اي اسرار بتطلع من عنا , يعني ما تخاف سرك ببير.

:: الاقسام الفلسطينية ::


6- الولاية الفلسطينية المركزية
دواوين هالقضية اللي ولا حد معبرها !!

*الولاية هاي لكل المواضيع اللي بتخص فلسطين وما بكون الها اقسام ، يعني بدنا نحكي عن نجم من نجوم فلسطين ، بس ما بنكتب هالموضوع هون لأنو في قسم اسمو ولاية ستارز فلسطين بنكتب هناك عن نجوم فلسطين ، هون بس عن اي موضوع فلسطيني ما في الو اقسام فلسطينية عنا ، يعني قسم فلسطيني عام هون .

* فيها حارة خاصة اسمها حارة اخبار 26 ساعة ، وهي حارة مخصصة لكل شي عن فلسطين بيصير من حولينا ، والردود فيها بتكون تحت المراقبة ، بس تشوفها الادارة وتوافق عليها بنقبلها وبتطلع للأعضاء .



7- ولاية ستارز فلسطين
نجوم فلسطين واقمارها وشخصياتها الجدعان الي لما تكوللهم الك ولا للذيب بكولولك خسا الذيب

*هاي الولاية بنكتب فيها عن نجوم فلسطين ، شباب فلسطين ، أبطال فلسطين ، شهدا فلسطين ، قادات فلسطينية ، شخصيات فلسطينية ،، وهيك .


8- ولاية سيدي وستك
يختص بالاشياء العتيكة والكديمة والتراث الفلسطيني الاصيل من ايام سيدي وسيدك والله ايام بتنتساش !!

*هاي الولاية بنكتب فيها مواضيع عن آثار فلسطين ـ أشياء فلسطينية قديمة ، عاداتنا زمان ، قصص فلسطينية قديمة ، لهجاتنا زمان ، بيوت زمان ، اعراس زمان ، عن قرى فلسطين زمان ، كل شي قديم وتراث بتعلق بفلسطين مش لازم ننسى لازم يكون هون و ع طول .


9- ولاية الكاميرا الفلسطينية
ولاية كاملة طويلة عريظة للصوارز والفيديوز عشان تشوف فلسطين وين مكنت وبأي مكان بلكون ..


*هاي الولاية بكون فيها صور فلسطينية ، وفيديو فلسطيني ، يعني صور من مدن فلسطين ، فيديو من فلسطين لأي شي فلسطيني بكون هون ، لغة العيون هون هي اللي بتحكم .


:: الاقسام الاكاديمية ::


10- الولاية الجامعية
إزا حسيت بإشي بنخزك برجليك .. إزن انت بالولاية الجامعية ، تضحكش يعني ..

*الولاية هاي بتهتم بجامعات فلسطين من كل النواحي ، اسئلة ، امتحانات ، نصائح ، مشاكل الطلاب ، اعلانات الجامعات ، كل جديد بأمور الطلاب الجامعية .


11- الولاية المدرسية
المدرسة عبارة عن كمشة بني آدمين وشوية مصاري والكتاب ملهش علاقة .. وفش حدا ملاحق ..
الحارات الجوا :: حارة التوجيهي

*متل ما في ولاية بتهتم بأمور الجامعات في أكيد لطلابنا الحلوين بـ المدراس بكل المراحل التعليمية ، وفي حارة بتختص بأمور التوجيهي كمان من نصائح وتوجيهات للطلاب ، ونكشات ، وتغير جو ، ومن امتحانات ونتائج الامتحانات واسئلة سنوات سابقة ، واسئلة متوقعة ، واسئلة جديدة ، وتمارين وحلول ، واكيد كل شي بخص طلاب التوجيهي الفلسطيني رح يكون فيها .


:: الاقسام العامة ::


13- ولاية كل من ايدو الو وسوق usp0 العام
كل شي الو علاقة بأي شي ولا شي فهمت شي اوعى تمشي .. شكلك فاهم !

*هون بنحط اي موضوع فش الو اقسام عنا بالولايات ، بكون هون ، يعني القسم العام .


14- ولاية هاي هاي والرعايا الجدد
للفلسطينية لنضاف لجداد واللي عاملين حالهم مستحيين رحبو فيهم عشان يخشبو معانا
الحارات الجوا :: قاعة الولايات لكافة المناسبات

*هون الترحيب بكل الاعضاء لجداد ، حبايبنا الحلوين احنا ، وطبعا قاعة الولايات للتهاني والتبريكات بكل المناسبات ، يعني الاعضاء بوقفو فيها مع بعض بأي مناسبة سعيدة او حزينة .


15- ولاية الـبـركة
بس للدين الاسلامي الحنيف ، الولاية هاي بركة الولايات ، ديرو بالكم عليها ..
*بتهتم هاي الولاية بأمور الدين الاسلامي فقط من كل النواحي .


وفي عدة أقسآآم عامة بتخص ام شفآآيف وأبو شَنب


ولآية إم شفايف
حكي نسوان ولف ودوران ، وكال وكيل ، مع صرعات الموضة والهبل هاذ من آخر فصطان نزل واخر مراية انكسرت

ولاية المكياج والحقن
ولآية بنت الناس
ولآية أبو شنب
وولاية تشخيصات
ولاية الكرش الفلسطيني




:: قسم طق الحنك ::


1- ولاية ياما تحت السواهي دواهي
كل شي بخاطرك قولو متستحيش ، كلام شعر ، كصص ، دواوين حب ، واللزي منو ، عبر عن مواهبك بالكلام فقط !


2-ولاية إنكش راسك
رجلي مخك وفرجينا نهفاتك .. سخسخة ،مكالب ، فنون نكش الروس ، ضحك من اللغاليغ ..!


3- ولاية تعال العب

هذي الولاية مخصوص لألعاب pc وحمل أي لعبة ، وبدك تعلب معي ولعب معك لنشوف شو الاخره



4-ولاية كل إشي غريب
ولاية كل شي غريب وعجيب يما يما




:: ولاية الكمبيوطر والانطرنت::


1- ولاية مارك أفندي - والفيس بوك
ولاية مارك والفيس بوك ولاختراقات والاغلافة والي بصير فهلمصيبه


2-ولاية طكنو مكس
ولداووين الكمبيطرات والنت وكل هاي القصص ، مدام عندك كمبيوطر راح تخلل بهلولايةا
الأقسام الداخلية : حارة ألو مين معي ، حارة الخرابيش والريشة ، وحارة مشاكل الكامبيووطر


وفي عنآآ الأشياء الزيادة : بتخص الإدارة والمشرفين


1-الأمن المركَزي
قصص وطلبات سبشل ، رادار الولايات ، مواضيع بينك وبين الريس ، بس الاستخدام الغلط للأمن المركزي بعرض عضويتك للشلوط


2- لوحة إنجازات الولاية
كل ما هو جديد من تطورات في ساحة الولاية !


3-مواضيع كرفناها
المواضيع اللي بضل شعب الولايات يعيد فيها ويكتبها ست ميت مرة ، آخرتها هون كلها ..




وآخيراً وأخيراً المدير المسؤول عن هآآظ كلوُ هيّآآتو !
الريس شمّر ..







وهاظ كُل إشي بخص الولآآيآآت للآآن .. 2017
وفي النهآآية إحنا أُسرة مع بعضتشينا ..







قديم 10-09-16, 03:23 PM
المشاركة 4
AL3MDA
°• فلسطيني طآزة ..~
  • غير متواجد
افتراضي رد: تعريف كامل عن الولايات المتحدة الفلسطينية + شرح فكرة الو
يا حياك الله يا عيني لك نورت بس فش فشك اطخلك

فلسطيني ناكش راس
قديم 10-23-17, 05:56 PM
المشاركة 5
AL3MDA
°• فلسطيني طآزة ..~
  • غير متواجد
افتراضي رد: تعريف كامل عن الولايات المتحدة الفلسطينية + شرح فكرة الولايات واللهجة وأقسام الولايات
يا عيني على الوضع

فلسطيني ناكش راس



حاليأ يشاهد الموضوع: 1 (0 مكحف و 1 بني ادمين)
 
أدوات الموضوع

سرفيس الولايات من هون :

اللهم رب الناس احمي هذا الموقع من شر الناس ومن كل حاسد ضعيف النفس

يوميأ كل شي طازة لحمة جاج برغل ... حقوق الولايات المتحدة الفلسطينية محفوزه - 2020


الوكت هالحين GMT +1. 12:36 AM.

Powered by vBulletin® Copyright ©2000 - 2019, Jelsoft Enterprises Ltd.